أثناسيوس الرسولي قال الشر عدم
وقال كمان الخير موجود
طب تبقى الخطية وكل الخطايا عدم،
لكن خَلُّوها موجودة
وجعلوها موروثة
يعني الإنسان قِدر بالخطية
يغيَّر قدرة الخالق،
لأ، والأدهى البدلية العقابية
آدم أخطأ خطية مش منسية
ولازم الله يتعاقب علشان يغفر
ولازم يموِّت ابنه الوحيد
علشان يسامح
مخلوق مسكين وقع في شبكة الموت
محدش يقدر ينقذه ولا وسيط ينجيه
واللي معندوش دماغ
يصدق الأكاذيب
ويكتب مقالات
ويشتم جورج حبيب
***
طب خلينا نتفاهم
فيه ثمن للخطية،
مكتوب في الأسفار؟
إزاي عَملة ردية
ثمنها دم البار؟
***
إزاي الآب غاضب،
وبياخد حقه في عقاب؟
وإزاي الابن مات،
مطلوب منه ثمن؟
وحددوا الثمن دمة
وقالوا على اللي رفض
كافر وحَلْ دمه
***
قصة أبونا متى
وقصة كل مطرود
مَوَّال حزين
لازم نكتبه
علشان الاستبداد
جهل غشيم لسانه طويل
ومُخه ضاع
وايده طويلة
وحقده يسعى للتمكين
***
يا للي فاهم ايه اللي جرى
فتش هتلاقي وراء كل مصيبة مرة
نسوان الحكومة غير المنظورة
اللي عينها، جسمها، وحلاوتها
وعقولهن من الكاوتش
تصدَّق الكذب وتنشره
وكل ما تنشر كذب
تاخد مدح سيدها
هي سيدة دماغه
وحلاوة جسمها
دائرة معارف اللاهوت
يا ريت كان فيها فصل عن الناسوت
مصايب ضربتنا كل سنة
وكل مصيبة وراها تاسوني
عفة جسده بس
وقلب خالص للبعل
عبادة وثنية
وسجود لسيدنا
وبالسجدة يتسلسل
الحكيم يفهم والغبي يتكعبل (يقع)
دكتور جورج حبيب بباوي
