أنام برشم الصليب
أصحى على رشم الصليب
بين النوم والصحيان
رشم الصليب زي الأكل
زي المية
زي الهوا
في كل خطوة عشان رشمك
وكلام الحق يسبقه رشمك
ومع طوفان الفكر
وأمواج العواطف
بر الأمان رشم الصليب
رشم الصليب وحَّدني بالهيكل
نقل مذبح رب القوات لقلبي
خلَّى روحي وجسمي ذبيحة
خلاني أقف مع مرقس وأنطونيوس
لأني شايل علامة الملك
في كل ضيقة وكل فرح
أرشم صليبك
علشان يبقى صليبي
اذكرني يا أبي القمص
ياللي علمتني رشم الصليب
وقلت لي
علامة قوة المسيح
وخلاصنا في الرب وصليبه
ومجدنا في قيامته
