يا أم الشهداء
مين اللي خانك
اللي أخذ فلوس اليتامى
واشترى مرسيدس
ودخل الدير علشان يبقى مطران
ولا اللي قعد عند الكتب
يدرس تاريخك
وشهادتك وحياتك
ويشهد ولو يشحت رغيف العيش
يا أم الشهداء مين شايل همك
اللي عايش زي رجالتك
وراجل كلمته تساوي عمره
ولا اللي باسمك بيكذب
ويلم فلوس اليتامى
ويخون التعابى
ويأكل رزق الحزانى
وحديثه عن الخطية
أصلية وآدمية
قديمة محدش شافها
والمقابر مليانة بالموتى
معلمي الكذب أنكروا حتى روح الحياة
والثالوث بقى طاقة وقوة
والمحبة الإلهية مش هي الله
وبعد كده لسه ليهم عين
وصوت عند المذابح
ويلعلع في القداس
بيصلي للطاقة والقوة
ومحدش قادر يقول له
إطلع من الحفرة
